జగిత్యాలలో ‘రెబల్’ ప్రభంజనం: కాంగ్రెస్ అధికారిక అభ్యర్థులపై జీవన్ రెడ్డి అనుచరుల ఘన విజయం!

జగిత్యాల మున్సిపాలిటీలో అధికార కాంగ్రెస్ పార్టీకి వింత అనుభవం ఎదురైంది. పార్టీ టికెట్లు రాని కారణంగా స్వతంత్రులుగా (రెబల్స్‌గా) బరిలోకి దిగిన మాజీ మంత్రి టీ. జీవన్ రెడ్డి అనుచరులు క్లీన్ స్వీప్ చేశారు. బీఆర్ఎస్ ఎమ్మెల్యే సంజయ్ కుమార్ అనుచరులకు కాంగ్రెస్ టికెట్లు ఇవ్వడాన్ని నిరసిస్తూ 14 వార్డుల్లో పోటీ చేసిన జీవన్ రెడ్డి వర్గీయులు 14 కి 14 స్థానాలను కైవసం చేసుకుని సంచలనం సృష్టించారు. పార్టీ ముద్ర లేకపోయినా, జీవన్ రెడ్డి పట్ల ప్రజల్లో ఉన్న ఆదరణే ఈ విజయానికి నిదర్శనమని రాజకీయ విశ్లేషకులు భావిస్తున్నారు.