హైకోర్టు ఆదేశాలను బేఖాతరు చేసినందుకు గాను మెదక్ జిల్లా కలెక్టర్, ఐఏఎస్ అధికారి శ్రీ రాహుల్ రాజ్ పై న్యాయస్థానం కఠిన చర్యలు తీసుకుంది. భూ వివాదానికి సంబంధించిన తీర్పును అమలు చేయనందుకు ఆయనకు ఆరు నెలల సాధారణ జైలు శిక్షతో పాటు రూ. 2,000 జరిమానా విధిస్తూ జస్టిస్ కె. లక్ష్మణ్ ధర్మాసనం తీర్పు వెలువరించింది.
కేసు నేపథ్యం ఏమిటి?
-
భూ వివాదం: చేగుంట మండలం బోనాల్ గ్రామంలోని సర్వే నంబర్ 284/ఏ/2లో ఉన్న 2.22 ఎకరాల భూమిపై వివాదం నెలకొంది.
-
పిటిషనర్: ఈ భూమికి తానే వారసురాలినని, రికార్డుల్లో తన పేరు నమోదు చేయాలని కోరుతూ నాగవెల్లి లక్ష్మి 2024 ఏప్రిల్లో హైకోర్టును ఆశ్రయించారు.
-
కోర్టు ఆదేశం: అప్పట్లో విచారణ జరిపిన కోర్టు, కలెక్టర్ అంతకుముందు ఇచ్చిన ఉత్తర్వులను రద్దు చేసింది. భూమికి సంబంధించిన సేల్ డీడ్, సాదాబైనామా పత్రాలను పరిశీలించి, మూడు వారాల్లోగా కొత్త ఉత్తర్వులు ఇవ్వాలని కలెక్టర్ను ఆదేశించింది.