హైదరాబాద్: మెట్రో రైళ్లలో ప్రయాణించే వారికి ‘తదుపరి స్టాప్’ గురించి వచ్చే అనౌన్స్మెంట్స్ ఎంతగానో ఉపయోగపడతాయి. అదే తరహా సౌకర్యాన్ని ఇప్పుడు తెలంగాణ ఆర్టీసీ (TG-RTC) సాధారణ ప్రయాణికులకు కూడా అందుబాటులోకి తీసుకురాబోతోంది. బస్సుల్లో స్టాపుల విషయంలో ప్రయాణికులు పడే ఇబ్బందులను తొలగించేందుకు సరికొత్త ప్రయోగానికి శ్రీకారం చుట్టింది.
-
ప్యాసింజర్ అనౌన్స్మెంట్ సిస్టం: కొత్త ఊర్లకు లేదా కొత్త ప్రాంతాలకు వెళ్లే ప్రయాణికులు తమ స్టాప్ ఎప్పుడు వస్తుందో తెలియక పడే ఇబ్బందులను దూరం చేసేందుకు ఈ విధానాన్ని ప్రవేశపెడుతున్నారు. మెట్రో తరహాలోనే బస్సు లోపల మైకుల ద్వారా రాబోయే స్టాప్ పేరును ప్రకటిస్తారు.
-
ప్రయోగాత్మక పరిశీలన: ప్రస్తుతం సికింద్రాబాద్-ఫిల్మ్ నగర్ మధ్య నడిచే 47L నంబరు గల ఐదు బస్సుల్లో ఒక ప్రైవేటు సంస్థ సహకారంతో దీనిని ఉచితంగా ఏర్పాటు చేశారు. ఈ ప్రయోగం విజయవంతమైతే క్రమంగా అన్ని సిటీ బస్సులకు, ఆ తర్వాత జిల్లా సర్వీసులకు కూడా విస్తరించనున్నారు.
-
జీపీఎస్ టెక్నాలజీ: ఈ వ్యవస్థను పూర్తిగా జీపీఎస్ (GPS) మరియు జియో ఫెన్సింగ్ టెక్నాలజీతో అనుసంధానించారు. బస్సు నిర్ణీత స్టాప్కు చేరుకోగానే ఆటోమేటిక్గా అనౌన్స్మెంట్ వస్తుంది.
-
ప్రయాణికులకు వెసులుబాటు: ఈ సిస్టమ్ అందుబాటులోకి వస్తే ప్రయాణికులు ఇకపై కండక్టర్ను గానీ, తోటి ప్రయాణికులను గానీ తమ స్టాప్ గురించి అడగాల్సిన అవసరం ఉండదు.
ఆర్టీసీ తీసుకుంటున్న ఈ టెక్నాలజీ నిర్ణయంపై సామాన్య ప్రయాణికుల నుంచి హర్షం వ్యక్తమవుతోంది.