వాషింగ్టన్: అమెరికా అధ్యక్షుడు డొనాల్డ్ ట్రంప్కు అత్యంత సన్నిహితుడిగా, మాజీ గ్రీన్ బెరెట్ కమాండోగా పేరున్న జో కెంట్ తన రాజీనామా లేఖలో ప్రభుత్వ తీరుపై తీవ్ర విమర్శలు గుప్పించారు. X (ట్విట్టర్) వేదికగా ఆయన తన రాజీనామా లేఖను బహిరంగపరిచారు.
జో కెంట్ లేఖలోని ముఖ్యాంశాలు:
-
ముప్పు లేదు: “ఇరాన్ వల్ల ప్రస్తుతం అమెరికాకు ఎటువంటి ముప్పు (Imminent Threat) లేదు. కానీ ఇజ్రాయెల్ మరియు అమెరికాలోని శక్తివంతమైన లాబీ గ్రూపుల ఒత్తిడి వల్లే ఈ యుద్ధాన్ని ప్రారంభించారు” అని జో కెంట్ ఆరోపించారు.
-
తప్పుడు ప్రచారం: ఇరాన్ అమెరికాపై దాడి చేయబోతోందన్న సమాచారం కేవలం ఇజ్రాయెల్ చేసిన తప్పుడు ప్రచారమేనని (Misinformation Campaign), ఇది 2003లో ఇరాక్ యుద్ధానికి ముందు జరిగిన పరిణామాలను గుర్తు చేస్తోందని ఆయన ఆవేదన వ్యక్తం చేశారు.
-
వ్యక్తిగత వేదన: “గతంలో ఇజ్రాయెల్ సృష్టించిన యుద్ధంలోనే నేను నా భార్య (షాన్నన్ కెంట్)ను కోల్పోయాను. మళ్ళీ ఇంకో తరం యువతను ప్రయోజనం లేని యుద్ధంలోకి పంపలేను” అని రాశారు.
-
అమెరికా ఫస్ట్ ప్లాట్ఫారమ్: ట్రంప్ తన పాత ‘అమెరికా ఫస్ట్’ విధానాన్ని వీడి, మధ్యప్రాచ్యంలోని యుద్ధాల ఉచ్చులో చిక్కుకున్నారని ఆయన విమర్శించారు.
ట్రంప్ స్పందన: జో కెంట్ రాజీనామాపై అధ్యక్షుడు ట్రంప్ స్పందిస్తూ.. “అతను ఒక మంచి వ్యక్తి, కానీ భద్రతా పరంగా చాలా బలహీనమైన వాడు (Weak on Security). ఇరాన్ ముప్పు కాదని భావించే వారు మా ప్రభుత్వంలో ఉండకపోవడమే మంచిది” అని వ్యాఖ్యానించారు.