ముంబై: ‘ధురంధర్’ మొదటి భాగం సృష్టించిన ప్రభంజనం మనకు తెలిసిందే. ఇప్పుడు దానికి సీక్వెల్గా వస్తున్న ‘ధురంధర్: ది రివెంజ్’ సినిమాను తాజాగా చూసిన ఆర్జీవీ, ఎక్స్ (ట్విట్టర్) వేదికగా ఆకాశానికెత్తేశారు. ఈ సినిమా చూశాక తనకు మాటలు రావడం లేదని, ఇది కేవలం సినిమా కాదు.. ఒక “సైకలాజికల్ ఆడియో-విజువల్ ఎక్స్పీరియన్స్” అని పేర్కొన్నారు.
ఆర్జీవీ రివ్యూలోని ముఖ్యాంశాలు:
-
షోలే కంటే 100 రెట్లు: “నేను నిన్న రాత్రి ‘ధురంధర్-2’ చూశాను. దీని ఇంపాక్ట్ చూశాక ఇది ‘షోలే’ కంటే 100 రెట్లు గొప్పదని చెప్పగలను. దీని ముందు ‘మొఘల్-ఎ-ఆజమ్’ వంటి క్లాసిక్స్ కూడా టీవీ సీరియల్స్లా కనిపిస్తాయి” అని వర్మ సంచలన వ్యాఖ్యలు చేశారు.
-
హాలీవుడ్ దిగ్గజాలకు సలహా: ప్రపంచ ప్రఖ్యాతి గాంచిన దర్శకులు స్టీవెన్ స్పీల్బర్గ్, క్రిస్టోఫర్ నోలన్ తమ పనులన్నీ పక్కన పెట్టి మరీ ఈ సినిమా ఫస్ట్ డే ఫస్ట్ షో చూడాలని ఆర్జీవీ సూచించారు.
-
డైరెక్టర్ ఆదిత్య ధర్: ఇకపై ‘డైరెక్టర్’ అనే పదానికి నిర్వచనం ఆదిత్య ధర్ పేరుతోనే మొదలవుతుందని, ఆయన టాలెంట్ ఇండియన్ సినిమా ఫ్యూచర్ను మార్చేసిందని ప్రశంసించారు.
-
కొత్త శకం: ఈ సినిమాతో పాత కాలపు ‘మసాలా’ సినిమాల శకం ముగిసిపోయిందని, ఇది సినిమా ప్రపంచంలో ఒక కొత్త విప్లవమని ఆయన అభివర్ణించారు.
సినిమా రిలీజ్ అప్డేట్: రణ్వీర్ సింగ్, సంజయ్ దత్, అక్షయ్ ఖన్నా, ఆర్. మాధవన్, అర్జున్ రాంపాల్ వంటి భారీ తారాగణంతో రూపొందిన ఈ స్పై యాక్షన్ థ్రిల్లర్ రేపు (మార్చి 19, 2026) ప్రపంచవ్యాప్తంగా గ్రాండ్గా విడుదల కానుంది. బాక్సాఫీస్ వద్ద ఈ సినిమా యశ్ నటించిన ‘టాక్సిక్’ (Toxic) తో పోటీ పడనుంది.