న్యూఢిల్లీ: విమాన టికెట్ బుక్ చేసుకున్న తర్వాత నచ్చిన సీటు (Window, Aisle, or Extra Legroom) ఎంచుకోవాలంటే ప్రయాణికులు భారీగా అదనపు ఛార్జీలు చెల్లించాల్సి వస్తోంది. కొన్ని విమానాల్లో దాదాపు అన్ని సీట్లను ‘పెయిడ్ సీట్లు’గా మార్చడంపై ఫిర్యాదులు రావడంతో ప్రభుత్వం ఈ కఠిన నిబంధనలను తీసుకువచ్చింది.
కొత్త నిబంధనల ముఖ్యాంశాలు:
-
60% ఫ్రీ సీట్లు: ప్రతి విమానంలో కనీసం 60 శాతం సీట్లను ఎటువంటి అదనపు సీటు సెలక్షన్ ఛార్జీలు (Seat Selection Fees) లేకుండా ప్రయాణికులకు అందుబాటులో ఉంచాలి. ప్రస్తుతం ఇది కేవలం 20% మాత్రమే ఉంది.
-
కుటుంబాలకు ఊరట: ఒకే PNR (Passenger Name Record) పై టికెట్లు బుక్ చేసుకున్న కుటుంబ సభ్యులు లేదా స్నేహితులను విడదీయకుండా, వారు పక్కపక్కనే కూర్చునేలా (Adjacent seats) సీట్లు కేటాయించాలి. దీని కోసం ఎక్స్ట్రా మనీ అడగకూడదు.
-
ప్రాంతీయ భాషల్లో సమాచారం: విమానాల రద్దు, ఆలస్యం లేదా బోర్డింగ్ నిరాకరణ వంటి సందర్భాల్లో ప్రయాణికులకు ఉండే హక్కులను ఎయిర్లైన్స్ వెబ్సైట్లు, యాప్స్ మరియు ఎయిర్పోర్ట్ కౌంటర్లలో ప్రాంతీయ భాషల్లో (తెలుగుతో సహా) స్పష్టంగా ప్రదర్శించాలి.
-
లగేజీ రూల్స్: క్రీడా పరికరాలు (Sports Gear), సంగీత వాయిద్యాలు (Musical Instruments) మరియు పెంపుడు జంతువుల (Pets) రవాణాపై విమాన సంస్థలు పారదర్శకమైన విధానాలను కలిగి ఉండాలి.
ఎప్పటి నుండి అమలు?: ఈ ఆదేశాలను బుధవారం (మార్చి 18) విడుదల చేసినప్పటికీ, వీటిని అమలు చేయడానికి విమాన సంస్థలకు కొంత సమయం ఇచ్చే అవకాశం ఉంది. ఈ మార్పుల వల్ల సాధారణ ప్రయాణికులకు విమాన ప్రయాణం మరింత చౌకగా, సౌకర్యవంతంగా మారనుంది.