హైదరాబాద్: తెలంగాణ ప్రభుత్వం ప్రతిష్టాత్మకంగా చేపట్టిన సూపర్ స్పెషాలిటీ ఆసుపత్రుల నిర్మాణం తుది దశకు చేరుకుంది. బడ్జెట్ ప్రసంగంలో భాగంగా వైద్యారోగ్య రంగానికి రూ. 13,679 కోట్లు కేటాయించిన ప్రభుత్వం, వైద్య మౌలిక సదుపాయాలపై కీలక ప్రకటనలు చేసింది.
వైద్యరంగంలో ప్రధాన మార్పులు:
-
టిమ్స్ (TIMS) ప్రారంభం: హైదరాబాద్ నలుమూలల నిర్మిస్తున్న సనత్నగర్, ఎల్బీ నగర్, మరియు అల్వాల్ టిమ్స్ ఆసుపత్రులను 2026 చివరి నాటికి పూర్తిస్థాయిలో అందుబాటులోకి తీసుకువస్తామని మంత్రి తెలిపారు. వీటిలో సనత్నగర్ టిమ్స్ పనులు వేగంగా జరుగుతుండగా, జూన్ 2026 నాటికి పాక్షికంగా ప్రారంభించే అవకాశం ఉంది.
-
టెర్షియరీ కేర్ విస్తరణ: నిమ్స్ (NIMS)లో అదనంగా నిర్మిస్తున్న 2,000 పడకల బ్లాక్, వరంగల్ మల్టీ సూపర్ స్పెషాలిటీ ఆసుపత్రి మరియు 3 టిమ్స్ కలిపి మొత్తం 6,582 సూపర్ స్పెషాలిటీ పడకలు కొత్తగా అందుబాటులోకి రానున్నాయి. దీనితో రాష్ట్రంలో మొత్తం టెర్షియరీ కేర్ బెడ్ల సంఖ్య 44,029కు చేరుతుంది.
-
వైద్య విద్య: ఇప్పటికే 9 ప్రభుత్వ మెడికల్ కాలేజీలు, 16 నర్సింగ్, 28 పారా మెడికల్ కాలేజీలను ప్రారంభించామని.. భవిష్యత్తులో మరో 17 కొత్త మెడికల్ కాలేజీల నిర్మాణాన్ని చేపడతామని స్పష్టం చేశారు.
-
డిజిటల్ హెల్త్: రాష్ట్రంలోని ప్రతి పౌరుడికి డిజిటల్ హెల్త్ కార్డులు పంపిణీ చేయాలని, తద్వారా రోగుల చికిత్స హిస్టరీని డిజిటలైజ్ చేయాలని ప్రభుత్వం నిర్ణయించింది.