ఫ్యూచర్ సిటీపై బీఆర్‌ఎస్‌ వర్సెస్ కాంగ్రెస్ – హరీష్ రావుకు మంత్రి పొంగులేటి స్ట్రాంగ్ కౌంటర్!

పొంగులేటి రాజకీయ సెటైర్లు:

• హరీష్ రావుకు ఫ్యూచర్ తెలియదు: మాజీ మంత్రి హరీష్ రావుకు అసలు తన స్వంత ‘ఫ్యూచరే’ (భవిష్యత్తే) సరిగ్గా తెలియదని, అలాంటిది ఆయన వచ్చి ఫ్యూచర్ సిటీని ఆపుతారా? అంటూ మంత్రి పొంగులేటి ఎద్దేవా చేశారు.

• బీఆర్ఎస్‌కు ఫ్యూచర్ లేదు: తెలంగాణలో బీఆర్ఎస్ పార్టీకి ఇక ఏమాత్రం భవిష్యత్తు లేదని, కానీ కాంగ్రెస్ నిర్మించబోయే ఫ్యూచర్ సిటీకి మాత్రం తిరుగుండదని ఆయన వ్యాఖ్యానించారు.

అసూయతోనే విమర్శలు – పొంగులేటి ఆగ్రహం:

• పదేళ్లలో ఒక్క మెట్రో స్టేషన్ కట్టలేదు: గత పదేళ్ల తమ పాలనలో కనీసం ఒక్క కొత్త మెట్రో స్టేషన్‌ను కూడా నిర్మించలేని బీఆర్ఎస్ నేతలకు.. కాంగ్రెస్ ప్రభుత్వం ఏకంగా ఒక సరికొత్త అంతర్జాతీయ నగరాన్ని (ఫ్యూచర్ సిటీ) నిర్మిస్తోందంటే అసూయ కలగడం సహజమేనని మండిపడ్డారు.

• ఒప్పందాలపై ప్రశ్నలు: ఫ్యూచర్ సిటీ భూములపై అమెరికాలో ఒప్పందాలు ఉన్నాయా? అంటూ వస్తున్న విమర్శలను ఆయన కొట్టిపారేశారు.

• ఫాంహౌస్‌ల పాలన వర్సెస్ ప్రజా పాలన: కేసీఆర్ కుటుంబ సభ్యులు తమ స్వంత ప్రయోజనాల కోసం రాష్ట్రంలో ఎక్కడ పడితే అక్కడ విలాసవంతమైన ఫాంహౌస్‌లు కట్టుకున్నారని ఆరోపించారు. కానీ కాంగ్రెస్ ప్రభుత్వం స్వంత లాభం కోసం కాకుండా, రాష్ట్రం మరియు దేశ భవిష్యత్తు కోసం ‘ఫ్యూచర్ సిటీ’ని నిర్మిస్తుంటే.. దానిని ఆపుతామనడం వారి దిగజారుడుతనానికి నిదర్శనమని పొంగులేటి శ్రీనివాస్ రెడ్డి స్పష్టం చేశారు.