న్యూఢిల్లీ: భారత కరెన్సీ నోట్లు, నాణేల ముద్రణ వంటి కీలక బాధ్యతలు నిర్వర్తించే SPMCIL, తన డిజిటల్ భద్రతను పటిష్టం చేసేందుకు గాను సైబర్ సెక్యూరిటీ ఎక్స్పర్ట్ (Cyber Security Experts) పోస్టుల భర్తీకి దరఖాస్తులు కోరుతోంది. మొత్తం 3 ఖాళీలను కాంట్రాక్ట్ ప్రాతిపదికన భర్తీ చేయనున్నారు.
ముఖ్యమైన వివరాలు:
-
అర్హత: అభ్యర్థులు గుర్తింపు పొందిన యూనివర్సిటీ నుంచి B.E / B.Tech (Computer Science / IT) లేదా దానికి సమానమైన డిగ్రీ ఉత్తీర్ణులై ఉండాలి. సైబర్ సెక్యూరిటీ రంగంలో సంబంధిత పని అనుభవం (Work Experience) ఉండటం తప్పనిసరి.
-
వయస్సు: అభ్యర్థుల గరిష్ట వయస్సు 35 ఏళ్లు మించకూడదు. ప్రభుత్వ నిబంధనల ప్రకారం వయో సడలింపు వర్తిస్తుంది.
-
జీతం: ఎంపికైన అభ్యర్థులకు నెలకు రూ. 50,000 చొప్పున వేతనం చెల్లిస్తారు.
-
ఎంపిక ప్రక్రియ: దరఖాస్తు చేసుకున్న అభ్యర్థుల ప్రొఫైల్స్ పరిశీలించి, షార్ట్ లిస్ట్ చేసిన వారికి పర్సనల్ ఇంటర్వ్యూ నిర్వహిస్తారు. ఇంటర్వ్యూలో మెరిట్ ఆధారంగా ఎంపిక ఉంటుంది.
ఎలా దరఖాస్తు చేయాలి?:
ఆసక్తి గల అభ్యర్థులు అధికారిక వెబ్సైట్ www.spmcil.com సందర్శించి ఆన్లైన్లో దరఖాస్తు చేసుకోవాలి.
-
దరఖాస్తుకు చివరి తేదీ: మార్చి 6, 2026.