మాజీ కార్పొరేటర్ శ్రీలత ప్రైవేట్ పిటిషన్ వివరాలు – కుంభం శివకుమార్‌ రెడ్డితో పాటు మంత్రులు, పీసీసీ చీఫ్‌పై కేసు!

నాంపల్లి కోర్టులో 16 పేజీల ప్రైవేటు పిటిషన్:

పార్టీ నుండి న్యాయం జరగకపోవడంతో శ్రీలత గతేడాది ఆగస్టు 20న నాంపల్లిలోని ‘4వ అదనపు చీఫ్‌ మెట్రోపాలిటన్‌ మేజిస్ట్రేట్‌ కోర్టు’లో ప్రైవేటు పిటిషన్ (Private Criminal Petition)​ దాఖలు చేశారు.

• తీవ్రమైన సెక్షన్ల కింద ఫిర్యాదు: నిందితుడు కుంభం శివకుమార్ రెడ్డి తన పరువుకు భంగం కలిగించడంతో పాటు, నేరపూరిత కుట్ర (Criminal Conspiracy), మరియు ప్రాణబెదిరింపులకు పాల్పడ్డారని శ్రీలత తన పిటిషన్‌లో పేర్కొన్నారు. ఇందుకు సంబంధించిన అన్ని ఆధారాలతో కూడిన 16 పేజీల సమగ్ర ఫిర్యాదును ఆమె కోర్టుకు సమర్పించారు.

ప్రతివాదులుగా కాంగ్రెస్ అగ్రనేతలు, మంత్రులు:

ఈ ప్రైవేట్ పిటిషన్‌లో కేవలం ప్రధాన నిందితుడినే కాకుండా.. తనకు న్యాయం చేయకుండా నిందితుడికి కొమ్ముకాస్తున్నారంటూ కాంగ్రెస్ పార్టీకి చెందిన పలువురు కీలక ప్రజాప్రతినిధులు, మంత్రులు మరియు సంస్థాగత నేతలను శ్రీలత ప్రతివాదులుగా (Respondents) చేర్చారు.

ఈ కేసులో శ్రీలత పేర్కొన్న ప్రతివాదుల జాబితా:

1. కుంభం శివకుమార్ రెడ్డి (నారాయణపేట కాంగ్రెస్ నాయకుడు – ప్రధాన నిందితుడు)

2. చిట్టెం పర్నికారెడ్డి (నారాయణపేట ఎమ్మెల్యే)

3. బొమ్మ మహేష్ కుమార్ గౌడ్ (టీపీసీసీ అధ్యక్షుడు)

4. వాకిటి శ్రీహరి (రాష్ట్ర మంత్రి)

5. కే. ప్రశాంత్ రెడ్డి (నారాయణపేట డీసీసీ అధ్యక్షుడు)

6. చిట్టెం అభిజయ్ రెడ్డి (కాంగ్రెస్ నాయకుడు)

7. మీనాక్షి నటరాజన్ (ఏఐసీసీ తెలంగాణ ఇన్‌ఛార్జ్)

రాజకీయ ప్రకంపనలు: ఈ ప్రైవేట్ పిటిషన్‌లో ఏఐసీసీ ఇన్‌ఛార్జ్ మీనాక్షి నటరాజన్ పేరు ఉండటం, ఆ నోటీసుల సాంకేతిక కారణాల వల్లే ఇటీవల మధ్యప్రదేశ్‌లో ఆమె రాజ్యసభ నామినేషన్ తిరస్కరణకు గురికావడం దేశవ్యాప్తంగా రాజకీయ సంచలనంగా మారింది. ప్రస్తుతం నాంపల్లి కోర్టు పరిధిలో ఉన్న ఈ కేసు విచారణ ఏ మలుపు తిరుగుతుందనేది ఆసక్తికరంగా మారింది.